Since 1986 — 旺角太子街坊老字號，近四十年貼紙經驗
志成貼紙店係咩？
志成貼紙店（CS Sticker）係一間植根香港旺角太子的貼紙專門網店，由1986年創立的志成文具發展而來，至今近四十年。主要提供卡通姓名貼紙、卡通貼紙、標籤貼紙及貼紙印刷服務，服務對象包括學生、家長、補習老師及商業客戶。
創辦人 Benny 的故事
由文具店長大的孩子
我係 Benny，由細到大喺旺角太子一帶長大。家裏由1986年開始經營志成文具，文具同貼紙係我生活嘅一部分。幾十年落嚟，我見盡呢區嘅變化，但有一樣嘢唔變——街坊對貼紙嘅需要。
生活教識我貼紙嘅價值
你有冇試過貼張貼紙喺廚房燈掣上面，提醒自己出門前記得關燈？或者喺電線插頭貼個標籤，唔使每次都要估？呢啲係貼紙喺日常生活中最實際嘅用處——好微細，但真係幫到手。
「貼紙唔係裝飾咁簡單。一張貼紙，可以係一個提醒、一份獎勵、一個心思。」
令我最深印象的一位客人
有位英國印度裔嘅英文補習老師，幾乎每個星期都嚟我哋舖頭。佢唔係嚟買文具，佢係嚟認真揀獎勵貼紙俾學生。每次佢都會逐款睇過，揀最特別、最有心思嗰款。睇住佢咁用心，我開始明白，一張貼紙背後可以有好多意思。
「單價唔高，但每次見到客人揀到心水款式，我覺得係有成就感嘅。呢個就係我做落去嘅原因。」
點解會建立貼紙網店？
香港市面上有好多款式嘅貼紙，但係好散，好難喺一個地方揀晒所有款。我留意到愈來愈多人買貼紙，特別係補習老師，佢哋幾乎每個星期都需要補充獎勵貼紙。
於是我動手建立了 stickerhk.com，將卡通貼紙、姓名貼紙、標籤貼等等分類整理好，俾大家可以輕鬆揀到鍾意嘅款，唔使再四圍搵。
